الدرس الخامس : علامات الفعل

الفعل تعريفه هو ما دل معني في نفسه مفترن بزمن معين
كل فعل بيديني معني معين يعني( كَتَبَ ) اداني معني الكتابة و فكرة الزمن دي هنعرفها لماا نتكلم ع تقسيماته حسب الزمن

علامات الفعل ايه بقا
تاء الفاعل المتحركة

* كتبتُ الواجب
هنا انا بتكلم عن نفسي و بقول انا كتبت الواجب يبقا تاء الفاعل دي دليل ع ان (كتب) ده فعل

* كتبتَ الواجب
هنا بكلم واحد مذكر و بقوله انك كتبت الواجب و هي تاء الفاعل برضوا نفس الدليل ع انه فعل

* كتبتِ الواجب
هنا بكلم واحدة مؤنث و بقولها انك كتبت الواجب و هي دليل ع الفعل برضوا
عاوز اقولك ان تاء الفاعل دي ٣ اشكال
مضمومة يبقا انا اللي بتكلم
مفتوحة بكلم مذكر
مكسورة بكلم مؤنث
و كلهم تاء فاعل و علامة من علامات الفعل
و التاء دي ضمير مبني في محل رفع فاعل ع طول

تاني علامة
تاء التأنيث الساكنة
دي تاء ساكنة بتلحق الفعل و تدل ع ان الفاعل كلمة مؤنثة تأتي بعدها

* كتبتْ هند الواجب
هنا التاء ساكنة و الفاعل هند مؤنث
يبقا دي تاء التأنيث
و دي علامة من علامات الفعل

و الفرق بينها و بين تاء الفاعل المكسورة
اولا ان تاء النأنيث عليها سكون
تاء الفاعل مكسورة
ثانيا تاء التأنيث الفاعل بيجي بعدها يكون مؤنث
تاء الفاعل بنفهم انها ضمير بيدل ع الفاعل نفسه يعني هي الفاعل


تالت علامة
ياء المخاطبة بقا
زي (تكتبين ، تقرأين ، تفهمين )
الياء اللي في الافعال دي كلها بنسميها ياء المخاطبة
و دي لما بلاقيها في كلمة زي اللي فوق دول بقول انها فعل
و الياء دي ضمير مبني في محل رفع فاعل



رابع علامة
نون التوكيد
اكتبن. اقبلن. و الله لاكتبن

اي كلمه تقبل نون التوكيد كده زي ما شفنا
تبقا فعل

خلاصة العلامات
في كلمة عندي شفت فيها
تاء فاعل سواء مضمومة او مفتوحة او مكسورة يبقا دي فعل

فيها تاء تأنيث. يبقا برضوا دي فعل
طب الكلمة قبلت نون التوكيد يبقا فعل
طب قبلت ياء المخاطبة يبقا فعل
ليه بقا ؟
لان الاسم ميقبلش حاجة من دي لازم اللي يقبلهم و المعني مفهوم يبقا فعل

باب بابت ؟ غلط يبقا دي مش فعل
قرأ. قرأت. اه تمام يبقا قرأ فعل

جرب انت باقي العلامات
..................................................................


و السلام عليكم و رحمة الله