الدرس الثالث : الاسم من حيث ( مذكر -- مؤنث )
صفحة 1 من اصل 1
الدرس الثالث : الاسم من حيث ( مذكر -- مؤنث )
الاسم ينقسم الي كذا تقسيمة
اول واحدة منهم الاسم ده مذكر و لا مؤنث ؟؟؟
ايه المذكر و المؤنث ده
المذكر يا عم اللي ينفع تشاور عليه ب هذا
هذا محمد. هذا معلم. هذا حصان. هذا ولد. هذا كتاب
اي حاجة كده تبقا مذكر. سهل ؟
طب انت مش ملاحظ ان الامثلة فيها فعلا انسان و حيوان و فيها حاجات زيهم بتتعامل زيهم يعني ؟
اه ملاحظ
طيب خد بقا اللي انسان او حيوان ده و قولي عليه مذكر حقيقي
هذا محمد. هذا معلم. هذا حصان. هذا ولد
و هكذا. ده حقيقي
و خد بقا اللي يتعامل زيه و قولي عليه مجازي زي ايه
هذا كتاب. هذا قلم. هذا كرسي. هذا تليفون
و هكذا اللي مش انسان و لا حيوان يبقا مجازي
يعني بنعامله معاملة المذكر بس هو حقيقته مش فيه ما يدل ع الذكورة
تمام ؟
نيجي للمؤنث
اللي ينفع تشاور عليه ب هذه
هذه هند. هذه زينب. هذه سعاد. هذه هدى. هذه كراسة. هذه سيارة. هذه ناقة. هذه قطة. هذه دجاجة
نيجي نقول اللي هنا كلهم مؤنث
طب في انواع بقا لكل حاجة
الحقيقي : اللي هو بقا ايه يلد او يبيض
يعني فيه علامة من علامات الانوثة و كمان فيه علامة من علامات التأنيث (تاء مربوطة - الف و همزة - الف لينة)
هذه امرأة. هذه قطة. هذه ناقة. هذه هدي. هذه سماء
يبقا دول مؤنث حقيقي
المجازي : اللي برضوا يعامل معاملة المؤنث و لا يلد و لا يبيض
هذه كراسة. هذه سيارة. هذه ثلاجة
المعنوي : و ده بقا هنلاقي اسم بيدل ع مؤنث ممكن يكون حقيقي و ممكن يكون مجازي بس مش هيكون فيه علامة من علامات التأنيث من اللي ذكرناها فوق
زي ايه
هذه هند. هذه سعاد. هذه زينب
كل دول قد يكونوا مؤنث حقيقي بس مفيش علامة تأنيث
يبقا معنوي. يعني من حيث المعني مؤنث انما اللفظ مفيهوش اللي يقولي ان دي مؤنث بيسموه مؤنث معني لا لفظا
يعني في المعني بس اللفظ مفيش تأنيث
اللفظي و هو عكس اللي فات
بيكون اللفظ فيه علامة تأنيث بس المعني مش مؤنزي ايه
طلحة. عبيدة. بناء. كساء
هنا ده آخره علامة اهو بس المعني مذكر
و بيسموه مؤنث لفظا لا معني
و السلام عليكم و رحمة الله
مواضيع مماثلة
» الدرس الثالث عشر : أقسام الجملة
» الدرس الثاني : علامات الاسم
» الدرس الرابع : الاسم من حيث ( مقصور - منقوص - ممدود - صحيح )
» الدرس الثاني عشر : الحرف
» الدرس الأول : الكلام و ما يتألف منه
» الدرس الثاني : علامات الاسم
» الدرس الرابع : الاسم من حيث ( مقصور - منقوص - ممدود - صحيح )
» الدرس الثاني عشر : الحرف
» الدرس الأول : الكلام و ما يتألف منه
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى