الدرس الرابع : الاسم من حيث ( مقصور - منقوص - ممدود - صحيح )

اذهب الى الأسفل

الدرس الرابع : الاسم من حيث ( مقصور - منقوص - ممدود - صحيح )

مُساهمة من طرف Admin في الإثنين يوليو 23, 2018 2:32 am


تاني تقسيمة للاسم هي
الاسم ده نوعه ايه مقصور و لا منقوص و لا ممدود و لا صحيح ؟ و يعني الحاجات دي ؟؟


اول واحد الاسم المقصور
و ده بيكون اخره الف قبله فتحة زي ايه
هدى. عصا. مصطفى. مستشفى. كبرى. صغرى. اخرى
كل ده مقصور طب نفتكرها ازاي
(هدى رقبتها مكسورة)
يعني هدى اسم مقصور. نربط بالنطق بقا و يبقا اللي زي (هدى) كله مقصور
تمام ؟
طب نثني و نجمع ازاي
نثني و نجمع جمع مؤنث بقا الاول لو الكلمة تلت حروف نجيب اصل الالف طب خدها قاعدة مني لما تلاقي الالف مكتوبة الف يبقا اصلها واو
و لو مكتوبة ياء يبقا اصلها ياء
يبقا
عصا. تلت حروف. و الف يبقا اصلها واو عصو
هنثني بقا يبقا عصوان
و نجنع مؤنث عصوات

هدي. تلت حروف مكتوبة ياء يبقا الاصل ياء. هديـ
نثني تبقا. هديان
نجمع جمع مؤنث. هديات
طب لو مش تلت حروف يبقا ياء ع طول
مصطفى. مصطفيان
مستشفى. متشفيان. مستشفيات
كبرى. كبريان. كبريات
اخرى. اخريان. اخريات
و هكذا

طب لو هجمع جمع مذكر بقا
احذف الالف دي خالص و حط ون
مصطفى. مصطف. مصطفون

و ده كان المقصور الاعراب ع طول مقدر فتحة مقدرة او ضمة مقدرة او كسرة مقدرة
..............................................................
نيجي للمنقوص
اسم اخره ياء قبلها كسرة
سامي. قاضي. محامي. هادي. نادي. داعي
و هكذا
اعلمها ازاي. سامي عقله ناقص
يبقا سامي اسم منقوص و اللي زيه بقا


نثني و نجمع جمع مؤنث
نضيف ع طول العلامات سواء مثني او حظع مؤنث

سامي. ساميان. ساميات
قاضي. قاضيان. قاضيات
محامي. محاميان. محاميات
و هكذا
مفيش مشكلة


نجمع جمع مذكر
نحذف الياء خالص بقا و نضيف ون
سامي. سام. سامون
قاضي. قاض. قاضون
محامي. محام محامون

و هكذا


الاعراب بقا
الضمة و الكسرة مقدرة و فتحة ظاهرة عادي

ملحوظة بقا في المنقوص
الياء في الاسم المفرد زي قاضي و محامي و الليلة دي
لو الكلمة نكرة و جت مرفوعة او مجرورة نحذف الياء خالص
حتي في الاعراب مثلا نقول
فعل ماضٍ
ماض. اصلها ماضي. اتحذفت عشان هي نعت مرفوع
انما لو في حالة نصب او مش نكرة بنرجع الياء

رايت قاضيا. الياء جت اهي تمام ؟
..............................................................
نيجي للاسم الممدود
و ده بيكون اسم اخره الف و همزة
زي ايه
نجلاء ,صحراء ,سماء ,دعاء ,ابتداء

طيب عشان اثني و اجمع لازم اعرف نوع الهمزة
عندي همزة اصلية و همزة زائدة للتأنيث و همزة منقلبة عن اصل

اعرف ازاي
نجيب الفعل الماضي
اخره همزة يبقا الهمزة اصلية
اخره حرف علة واو او ياء يبقا منقلبة عن اصل
لا اخره همزة و لا حرف علة يبقا زائدة للتأنيث
نشوف كده اللي جاي

إنشاء............ الماضي الأصلي ......(نشأ).................أصلية
ابتداء............ الماضي الأصلي ......(بدأ).................أصلية
سماء ............ الماضي الأصلي...... (سما)(يسمو).......الواو....منقلبة عن أصل 
قضاء............ الماضي الأصلي....... (قضى).......الياء.....منقلبة عن اصل
بناء..............الماضي الأصلي....... (بنى)........الياء.....منقلبة عن أصل 
صحراء..........الماضي الأصلي....... (صحر)................زائدة للتأنيث 
نجلاء.............الماضي الأصلي...... (نجل)..................زائدة للتأنيث 
شقراء............الماضي الأصلي...... (شقر)...................زائدة للتأنيث 
حمراء............الماضي الأصلي..... .(حمر).............زائدة للتأنيث

تمام ؟

نثني و نجمع مؤنث

لو اصلية نضيف العلامات ع طول

انشاء. نشأ. اصلية
انشاءان. انشاءات


لو الهمزة زائدة للتأنيث
تتقلب واو و نحط العلامات

نجلاء (نجل) زائدة للتأنيث نجلاوان نجلاوات 
شقراء (شقر) زائدة للتأنيث شقراوان شقراوات 
حمراء (حمر) زائدة للتأنيث حمراوان حمراوات 



لو كانت منقلبة عن أصل يعني اخر الماضي حرف علة و جبنا المضارع و عرفناه واو و لا ياء
يجوز فيها الوجهين (إما أن تبقى أو تقلب إلى واو) 

سماء سمو منقلبة *سماوان/سماءان *سماوات/سماءات
بناء بني منقلبة *بنايان/ بناءان *بنايات/ بناءات

اعراب الممدود عادي بالحركات الظاهرة مفيش مشكلة
..............................................................
الاسم الصحيح بقا
اللي هو غير المنقوص و المقصور
زي
باب ، شباك ، قلم ، زجاج ، رقم

و اعرابه ظاهر برضوا عادي
ملحوظة : الاسم الممدود من الاسماء الصحيحة

و السلام عليكم و رحمة الله
avatar
Admin
Admin

المساهمات : 31
تاريخ التسجيل : 19/07/2018

معاينة صفحة البيانات الشخصي للعضو http://elmohtarefeen.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى