منتدى المحترفين
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الدرس الثامن : المبني من الأفعال ( الأمر و الماضي )

اذهب الى الأسفل

الدرس الثامن : المبني من الأفعال ( الأمر و الماضي ) Empty الدرس الثامن : المبني من الأفعال ( الأمر و الماضي )

مُساهمة من طرف Admin الإثنين يوليو 23, 2018 2:24 pm


عرفنا الدرس اللي فات ان الافعال في منها معرب و مبني
عرفنا المعرب اللي هو المضارع و عرفنا بيعرب ازاي
النهارده ان شاء الله هنبدأ في المبني
و نبدأ بالامر
الفعل الامر نسمعهم يقولو ان الامر يبني علي ما يجزم به مضارعه
و انا مش فاهم من و انا صغير الجملة دي حافظها
تعالوا نعرف معناها
مش انت خدت المضارع ؟ اه
و عرفت انه بيتجزم ؟ اه
ايه علاماته ؟
لو اخره حاجه غير (و. ا. ي ) يبقا السكون
و لو اخره (و ا ي ) هحذفه و يبقا مبني علي حذف حرف العلة
و لو اخره (ون. ان. ين)
هحذف النون و احط الف بدلها و يبقا مبني علي حذف حرف النون
صح ؟
تمام جدا
عارف الامر بقا نفس العلامات دي بالظبط ازاي ؟
عندي فعل زي اشرب عاوز اعرف مبني علي ايه بص بص كده
اشرب ده المضارع بتاعه ايه ؟
يشرب
اجزمه كده
لم يشرب
مجزم بايه ؟
دا مش اخره (و ا ي ) و لا (ون ان ين)
يبقي مجزوم بالسكون
يبقا اشرب فعل امر مبني علي السكون
سهله ؟
جرب تاني كده
اسع
اصلها ؟
يسعي
اجزمه
لم يسع
خلي بالك كان اخره(ي) يعني حذف حرف علة
يبقا 
اسع فعل امر مبني علي حذف حرف العلة
اكتبا
هنا امر لمثني لما اجيب المضارع يكون لمثني برضوا يعني
يكتبان
اجزمه
لم يكتبا
مجزوم بحذف حرف النون
يبقا اكتبا
امر مبني علي حذف النون
اظن جميل اوي الامر صح ؟
و متوجعش دماغك بالحفظ بقا
تمام ؟


ضيف حاجه صغيره بقا
ان الامر يبني ع السكون برضوا لو جت عليه نون النسوة
اكتبن. اشربن. افعلن
فعل امر مبني علي السكون
و يبنا علي الفتح او اتصل بيه نون الوكيد
زي 
يا محمد اكتبن الدرس
يا احمد اذهبن الي المدرسة
فعل امر مبني علي الفتح
خلي بالك هتفرق بين الاتنين ان الخطاب مع نون النسوة للمؤنث
و نون التوكيد للمذكر غالبا
كده عرفنا الامر

..................................................................
طب كنا عرفنا ان المضارع معرب صح ؟
اه
بس ليه حالتين بس يكون مبني فيهم ايه هما ؟
عارف اخر حالتين للامر دول ؟
هما نفسهم بتوع المضارع المبني 
المضارع المبني
علي السكون لو اتصل بيه نون النسوة
النساء يكتبن الدرس
مضارع مبني علي السكون
البنات يذهبن الي المدرسة
مضارع مبني علي السكون
و يبني علي الفتح لو اتصلت به نون التوكيد 
و الله لاكتبن الدرس
مضارع مبني علي الفتح
و الله لافعلن الخير
مضارع مبني علي الفتح
اظن هو هو نفس الكلام الفرق ان ده امر و ده مضارع
..................................................................
تعالوا نشوف الماضي بقا
بحب جدا في الجزء ده اعود اللي قدامي انه يسهل علي نفسه شويه ازاي عن طريق النطق الصح
ازاي
عاوزك تعرف انك تنطق اخر حرف في الفعل الاساسي صح عشان تقدر تعرف هو مبني علي ايه
يبقا الحكم بتاعنا و الفيصل هو الحرف الاخير في الفعل الاساسي يعني اخر حرف في الفعل بدون ضمائر
يعني ضربوا
اشيل الضمير يبقا ضرب يبقا الحرف الاخير ال(ب)
تمام ؟
تعال بقا انطقلي كده
كتب. شرب. فهم. قرأ
قولي كده اخر حرف عليه ايه ؟ بتنطق فتحه صح ؟
يبقا فعل ماض مبني علي الفتح
اقرا تاني كده
كتبا. شربا. فهما. (خلي بالك ده بنتكلم عن اتنين ؟
قولي اخر حرف ايه كده بتنطق ايه ؟
فتحه برضوا صح؟
يبقا فعل ماض مبني علي الفتح
انطق تاني معايا
كتبت البنت الدرس
فهمت البنت الدرس
شربت البنت الدرس
بنتكلم عن مؤنث تمام انطق كده اخرف حرف بالضمير مع بعض و شوف الحرف عليه ايه
فتحه صح ؟
يبقا فعل ماض مبني علي الفتح
يبقا النطق الصح عرفنا نعرب
طب انت عارف بالنطق كده بتقولي يبني علي الفتح لو(صحيح الاخر. فيه الف الاثنين. فيه تاء التأنيث)بس انت محفظتش انت نطقت
خلي بالك بقا لو لقيت فعل زي قضي سعي دعا
ده بتنطق فتحه بس هتقول انها مقدرة
فعل ماض مبني علي الفتح المقدر
انطق حاجه تانيه كده معايا
ضربوا. شربوا. كتبوا. فهموا
انطق كده و شوف اخر حرف في الفعل الاساسي لما تنطقه مع الضمير هيكون ايه ؟
بتنطق ضمه صح
يبقا فعل ماض مبني علي الضم
خلي بالك من حاجه لما تنطق فعل مثلا زي فهموا
متقولش هشيل الضمير يبقا فهم
و انطق يبقا فهم اخره فتحه يبقا ضربوا مبني علي الفتح لالا لا لا لا لا غلط جدا
انا بقولك اخر حرف تعرفه انك تحذف الضمير عرفته ؟ اه حط الضمير تاني و انطق بقا و شوف بقا بتنطق الحرف اللي عرفته ده ازاي
يعني فهموا
عاوز اعرف اخر حرف اللي هعرب عليه شيل الضمير
فهموا. تبقا فهم
اخر حرف هو الميم
رجع الضمير بقا مكانه
فهموا
انطق الميم بتنطق ايه
ضمه
يبقا فهموا فعل ماض مبني علي الضم
فهمت ؟
انطق معايا كده
كتبوا
بنطق ايه ضمة
فعل ماض مبني علي الضم
تمام ؟
تعال شوف
كده انطق معايا
اولائك الذين اشتروا الضلالة بالهدي
اشتروا بتنطق ايه ؟
فتحه صح ؟
طب ازاي و كل الافعال اللي فوق ضمة
اقولك انت مش واخد بالك
تعال معايا
اشتروا
شيل الضمير كده
اشتر 
انت بتنطق الفتحه بتاعت ال(ر)
طب و هو ده اخر حرف ؟
لا
اومال
دا اصله اشتري
تمام زي مين ؟ زي سعي و قضي و دعا
يعني لو اشتري لوحده كده كان هيبقا مبني علي الفتح المقدر تمام
بس لما جه مع واو الجماعه
هيبقا كده
اشتريوا
ينفع ؟
لا
الياء اتحذفت بقا اشتروا
طب لحظة لو هو فعل عادي كان حرف العلة مكانه حرف تاني كان هيبقا مضموم زي فهموا و كتبوا صح ؟
يبقا حرف العله اللي اتحذف ده المفروض عليه ضمه مقدرة
يبقا في الاعراب هقول
فعل ماض مبني علي الضم المقدر علي الالف المحذوفة
فاهمها ؟
و زيه بقا اي فعل ماض اخره حرف عله يجي معاه واو الجماعه يبقا مبني علي الضم المقدر علي الالف المحذوفة
زي ايه
قضوا. دعوا. سعوا. اشتروا. وعوا
كلهم تخلي بالك و انت بتنطق
و خلي بالك هتنطق فتحه متقولش مبني علي الفتح لا 
اعرف انه الفتحه دي مش اخر حرف
تعال انطق معايا
ضربت الولد (انا اللي ضربت)
كتبت الواجب(انا اللي كتبت)
شوف بتنطق الباء ازاي
مفيش حركه صح 
سكون يعني
يبقا فعل ماض مبني علي السكون
تعال انطق
ضربنا الولد (احنا اللي ضربنا)
مدام احنا اللي ضربنا يعني احنا الفاعل
بتنطق ازاي سكون
يبقا فعل ماض مبني علي السكون
و الفاعل الضمير (نا)
تمام ؟
انما لو قولنا
ضربنا المعلم (احنا اللي انضربنا)
يعني نا مفعول
انطق كده بمعني اننا اللي انضربنا
هتلاقي فتحه صح ؟
يبقا فعل ماض مبني علي الفتح
هعرف ازاي حسب معني السياق هتبقا واضحه اوي
بس تنطق صح و تجيب الحركه و دي علامة البناء و اظن سهله اوي كده
تعال كده انطق
النساء كتبن الدرس
الفتيات ذهبن الي المدرسه
هتلاقي الباء عليها ايه
سكون صح ؟
يبقا فعل ماض مبني علي السكون
انا كده اديتك طريقه سهله تعرف بيها الاعراب
عاوز تحفظ بقا
ارجع للكتب الكبيرة في النحو
كده احنا عرفنا المبني من الافعال
و كنا عرفنا المعرب
اظن كده اي فعل في اي جملة تعرف تعربه بفضل الله
..................................................................


و السلام عليكم و رحمة الله
Admin
Admin
Admin

المساهمات : 31
تاريخ التسجيل : 19/07/2018

https://elmohtarefeen.ahlamontada.com

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى